Þróunarverkefni

Nokkur þróunarverkefni hafa verið unnin innan veggja leikskólans í gegnum árin en markmið þróunarverkefna er oftast nær skilgreind sem skipulögð viðleitni til þess að koma á varanlegum breytingum á starfsháttum í skólum. Ef skilgreiningin með innleiðingu þróunarverkefna er skoðuð, má sjá að markmið skólaþróunar/ verkefnanna eru í meginatriðum tvennskonar. Annarsvegar að styrkja kennslu og nám og hinsvegar, að styrkja stjórnunar- og aðra skipulagsþætti innan veggja skólans. Um leið þarf að auka varanlega hæfni starfsfólks til þess að takast á við breytingar og bjóða upp á skipulagða símenntun til þess að styrkja áherslur verkefnanna sem verið er að innleiða.

Nokkur þróunarverkefni hafa verið unnin í leikskólanum til þess að styrkja kennslu og nám og aðra skipulagsþætti innan veggja leikskólans.

Hér að neðan má sjá nokkur þeirra þróunarverkefna sem unnin hafa verið í leikskólanum.

• Þróunarverkefni um þróun leikskólakennslu með áherslu á að nýta sérhæfða fagþekkingu leikskólakennara í vinnustundum í samþættu og skapandi leikskólastarfi. Verkefni unnið skólaárin 2018, 2019 og 2020
• Þróunarverkefni um barnakór Hæðarbóls, unnið skólaárin 2017 og 2018
• Þróunarverkefni um vináttuna, samstarfsverkefni Hæðarbóls, Sunnuhvols, Krakkakots og Lundarbóls. Verkefni unnið skólaárin 2016 og 2017
• Þróunarverkefni í heimspekilegri samræðu, verkefni unnið skólaárin 2016 og 2017
• Þróunarverkefni um aukna þátttöku barna í vinnubrögðum, verkefni unnið skólaárin 2015 og 2016